KANUN LABARAI
Sha’aban Sharada ya nemi a rushe ‘yan sandan ‘Anti-daba’ a Kano
Mukhtar Yahya Usman
Shugaban kwamitin tsaro na majalisar wakilai Sha’aban Ibrahim Sharada ya ne me rundunar ‘yan sandan jihar Kano da ta rushe sashin da ke yaki da ‘yan daba da ake kira ’Aniti-daba’.
Kano Focus ta ruwaito dan majalisar ya yi wannan kira ne a ranar Lahadi bayan da ya ziyarci kwamishinan ‘yan sandan jihar Kano Habu Sani kan kisan da aka yiwa wasu matasa biyu a unguwar Sharada.
Idan za a iya tunawa a shekaran jiya Asabar ne ‘yan sandan Anti-daba suka kashe wasu matasa biyu, ‘yan ba ruwana a unugwar Sharada bayan da sukaje kamen masu laifi.
Matasan da suka hallaka a hannun ‘yan Anti-dabar sune Abubakar Isah da kuma Ibrahim Sulaiman da aka yi ittifakin abokanaine.
Wannance ta sanya al’ummar yankin na Sharada harzuka da kuma fara kiraye-kirayen a soke sashin na Anti-daba.
A cewarsu ko kadan ‘yan sandan na Anti-daba na wuce gona da iri a cikin ayyukan su.
Haka ta sanya Saha’aban Sharada kai koken sa ga kwamishi nan ‘yan sadan na jihar Kano kan daukar matakin gaggawa kan barnar da ‘yan sanda suka yi musamman ma na kashe yan baruwa na.
Cikin bukatar da dan majalisar ya gabatarwa kwamishina shi ne a hukunta wadanda suka yi barnar sannan a gyara musu ayyukan su ko kuma a rushesu ma baki daya.
Yadda al’amarin ya faru.
A cewar mazauna yankin na Sharada, da misalign karfe 11.00 na daren ranar Asabar ne ‘yan sadan na Anti daba suka mamayi yankin dab da masallacin juma’a na Sharada domin kama masu laifi.
Shaidun gani da ido sun ce ‘yan sandan sun mamayi wurin mai sayar da shayi ne da ke kira da ‘Indomie spot’ da suke zargin akwai musu lafi a wurin.
Rikici ya barke ne a dai-dai lokacin da mai wurin Ibrahim Sulaiman ya bukaci sanin dalilin da ‘yan sadan za su kama dan uwansa mai suna Gaddafi duk da cewa ba mai laifi bane.
‘Yan sanda sun kashe matasa biyu a Kano
Budurwa ta kashe kanta a Kano ta hanyar rataya
Rundunar ‘yan sandan Kano ta kubutar da matashi da ya shafe awa 7 a cikin kwata
Sai dai wani dan sanda da ake kira Ado da ya yi yunkurin dakatar da Ibrahim ya yi amfani da wuka inda ya yankeshi har sau biyu.
Hakan ta sanya wani matashi Abubakar Isah da ke wurin ya taso domin kawowa Ibrahim dauki, nan ma wani dan sandan ya sa bindiga ya harbeshi da kuma ya mutu nan take.
A cewar wadanda suka shaida lamarin nan take aka garzaya da su asibiti basa kokarin ceto rayuwar Ibrahim sai dai da misalin karfe 2.00 na dare shi ma ya mutu.
An kama ‘yan sandan
Tuni dai kwamishinan yan sandan jihar Kano Habu A Sani ya bada Umarnin Kama ‘yan sandan da suka yi wannan aika aika.
A cewar Jami’in hulda da jama’a na runduar yan sandan Abdullahi Haruna Kiyawa, Kwamishinan ‘yan sandan ya bada umarnin kama jami’an ne jima kadan bayan da ya samu labarin faruwar al’amarin.
Abdullahi Kiyawa mai mukamin mataimakin sufurtandan ‘yan sanda ya ce ko kadan ba za a bar wannan al’amari ya wuce haka siddan ba.
A cewar sa za a gudanar da bincike za kuma a baiwa mai hakki hakkin sa da zarar an kammala binciken.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Gov Yusuf receives fellowship, award of excellence from US Management Institute
World Teachers’ Day 2024: NUT Honors Gov.Yusuf for Outstanding Performance in Education Reform
FG, Tinubu and Daily Trust’s faux pas on Samoa Agreement
LG polls: Kano APC urges court to stop INEC from releasing voter register
Gov. Yusuf Flag Off Distribution of Instructional Materials to Public Schools
Fagge, Mai Bushira, Naniya now professors as BUK Promotes 90 Senior Academics
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Kano State Reforms: Sa’adatu Rimi University Reverts to College of Education Status
Why Presidency need not search farther for a new Spokesman!
