Gwanda yawo a kwararo da zaman ukubar gidan miji- matar aure

Published

4 years ago

November 17, 2020

Aminu Abdullahi

Hukumar Hisbah ta kama wata mata mai suna Sa’adiyya Muhammad da ta ce da ta zauna a gidan mijinta gwara da kwana yawoa kwararo.

Kano Focus ta rawaito kwamadan Hisbah na karamar Hukumar Fagge Malam Nasir Yarima ne ya bada umarnin binciko matar bayan da aka sanar da su cewar ta fice daka gida kuma ana nemanta.

Ya ce jami’an sa sun bazama nemanta ne kuma suka samu nasar kamata a ranar Lahadi.

Sa dai matar mai suna Sa’adiyya ta ce zaman gidan mijin nata tamkar zama a ramin maciji ne.

A cewarta kullum mijin nata na lakada mata dukan tsiya baya ga hanata abin da za ta ci ballantana na yaranta.

Ko da ya ke Sa’adiyya tana da yara biyu tare da shi amma ta ce ko kadan ba za ta lamunci ci gaba da zama a gidan ba.

A cewarta gwara ta bi lungu da kwararo ta yi ta watangarirya a gari da dai ta koma gidan mijin nata.

Sadiya ta ce za ta bar yaranta a gidan Allah kuma zai taimake su amma ita tayi sallama da gidan

Sai dai kwamandan Hisbah na karamar Hukumar ta Fagge Malam Nasiru Yarima ya ce har yanzu mijin matar bai zo garesu ba.

Ya ce sun tura a kirawoshi amma ya ki zuwa sama da kwana guda da matar tasa take a hannun su.

Sai dai ya ce za su gayyaci iyayenta da mijin ta don ganin an daidai ta tsakanin.

Jami’ar Yusuf Maitama Sule ta koma Northwest University, Kano

Published

2 months ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

3 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.