KANUN LABARAI
Za a rufe makarantu masu zaman kansu da suka bijirewa doka-gwamnatin Kano
Zulaiha Danjuma
Gwamantin jihar Kano ta ce za ta rufe makarantu masu zaman kansu da suka bijerawa umarnin rage kaso 25% cikin dari na kudin zangon karatu na uku da aka bukaci su yi.
Kano Focus ta ruwaito babbar sakatariya a ma’aiaktar Ilimi ta jihar Kano Lauratu Ado Diso ce ta sanar da hakan yayin ziyarar gani da ido da ta kai wasu daga cikin makarantun a rananr Litinin.
Hajiya Lauratu ta ce ya zama wajibi makarantu masu zaman kansu a jihar nan su rage kudaden kamar yadda aka bukata.
A cewarta kin bin umarnin ka iya jawo matsala ga makarantar da ta bijire.
“Ya zama tilas makarantu masu zaman kansu su rage kudin la’akari da halin da iyaye ke ciki na rashin dudi”
“Gwamnati ta baiwa makarantu masu zaman kansu tallafi domin rage musu radadi, a don haka tilas su bi umarni.
Idan ba a manta ba dai gwamnatin jihar Kano ta nemi makarantu masu zaman kansu da su rage kashi 25% na kudin da suke karba ne tun a watan da ya gabata sakamakon cutar KORONA.
Sai dai hakan ya haifar da cece-kuce a tsakanin masu makarantun da kuma gwamnati, da akarshe dai gwamnati ta ce tilas a bi umarinin.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Kano Assembly passes bill to establish state security Corps
KSCHMA to integrate family planning into health contributory scheme
Dangote refinery exports two cargoes of jet fuel to Saudi Aramco in Saudi Arabia
Gov Yusuf constructs 400 classrooms in basic schools – SUBEB chair
Governor Yusuf Hosts Tunisian Ambassador, Strengthens Kano-Tunisia Economic Ties
Gov Yusuf to distribute free uniform to primary school pupils
A Cry for Help: Saving the Life of Nura Zakaria Gwarzo
Abba Gida Gida’s revolutionary approach to health sector reform: A new dawn for Kano’s healthcare
FG to complete Kano-Kaduna rail line this year
