Connect with us

KANUN LABARAI

Ranar yaki da cin zarafin mata: Yadda mata a Kano ke rayuwa cikin ukuba

Published

on

Zulaiha Danjuma

A ya yin da ake bikin ranar yaki da cin zarafin mata ta duniya,  mata a nan Kano sun bayyana yadda suke rayuwa cikin ukuba a gidajen miji da kuma cin zarafinsu akan hanya da makarantu,  da kuma yadda dangi ke nuna musu wariya.

A zantawar Kano Focus da wasu mata a nan Kano sun ce rayuwarsu a gidan miji sai godiya, domin kuwa ba ta da maraba da rayuwa akiyama.

Ya yin da wasu kuma suka ce rayuwa a gaban iyayensu da sauran danginsu ita ke zame su ukuba.

Haka zalika wasu matan sun ce suna fuskantar cinzarafi a kan titi, ta yadda maza ke hantarasu yadd suka ga dama.

Matsalolin aure

Rabi’utu Abba uwa ce da ke da yara uku ta shaidawa Kano Focus irin rayuwar ukubar da take fuskanta a gidan mijinta, musamman ma daga bagaren danginsa.

Ta ce har yanzu tana iya tuna yadda dangin mijinta suka yi mata taron dangi wajen zaneta.

“A wata ranar Asabar a watan Fabrairun shekarar 2015 mun tsara cewa a ranar litinin mai zuwa ne za mu fara kai yaranmu makaranta, sai ga yan uwan sa sunshigo da zagi da cin zarafi da barazanar sai sun koreni daka gidan.

“Kafin na ce wani abu kanin mjina ya sureni ya kuma damfarani da kasa, kafin kace kwabo sauran sun rufeni da duka

“Wani abin takaici da ke sosa raina har yanzu shi ne da mijina ya zo kawai sai ya goya musu baya, tundaga wannan rana naji sansa ya fita a raina, a na dai zaman ne kawai” A cewarta.

Hafsat Sani wata daliba ce da ke karatu a jimi’ar Bayero ta shaidawa Kano Focus irin yadda ‘yar uwarta ke karbar ukuba a gidan miji.

A cewarta ‘yar uwarta ta auri wani malamin makaranta a jami’ar Bayero da dake  azabar neman mata.

“Abinda zai baka haushi shi ne yadda yake neman matan da basu cika manta ba a jama’ar, ya kuma yi musu barazana da zai kayar da su idan basu amince da shi ba.

Zaben kananan hukumomi: Matashi ya sha fiya-fiya kan dan takara a Kano

Gwanda yawo a kwararo da zaman ukubar gidan miji- matar aure

Ranar bandaki: Yadda matsalar bandaki ke tagayyar dalibai mata a makarantun Kano

“Sanna matar nan ta san dukkanin masha’ar da ya ke aikatawa, amma dai ta ci gaba da zama da shi.

“Dukan tsiya ya ke mata kullum, kuma duk sanda ya dake ta sai ta suma, sannan, yana tsaka da dukan nata zai fara nemanta, yana nemanta yana dukanta.

“Haka kuma baya basu abinci har ma yaran da ya Haifa, amma haka take zaune da shi, sai dai ta bi dangi menam me za su ci.

Ita kuwa wata mata mai suna Esther da ke unguwar Nasarawa a nan Kano ta shaida yadda take shan azaba a hannun mijinta.

Ta ce mijnta na dukanta kowacce rana ba tare da la’akari da lafiyarta ba.

Ta kara da cewa bayan da ta kai kara wajen mahaifiyarsa sai ta ce mata, sai dai ta yi hakuri haka suka yi gadon duka, shima a wurin ubansa ya gada.

Ta ce a yanzu haka gudawa ta ke cikin wata makarantar firamare a nan Kano tana kwana, alabashi da safe sai ta koma gidan.
Auren dole

Zahra Auwal, daliba ce da ke karantar aikin likita a jimi’ar Bayero ta ce mahafiyarta ta tsaneta saboda ta ki auren wani mai kudi da uwar keso ta aura.

A cewar ta hakan ta sanya baya ga tsanar da uwar ta yi mata dangi ma suka sawo ta a gaba.

Ta ce ta shiga damuwa da tashin hankali kan yadda kowa ya tsaneta saboda taki auren mai kudi, a cewarta shekaru hudu ke nan tana cikin wanna bala’i.

“Loacin da nake tasowa babana yana son na yi karatu, haka kuma ya sanyamin son karatun.

“Masu nemana da yawa sun fito amma sai yace musu a bari na kammala karatuna, sai da na gama sakandire ne kuma wani yafito nemana da aka dameni na aurenshi.

“A lokacin shekaruna 16 ina so na ci gaba da karatu, shi kuma irin  mutanen nan ne da kasuwace kawai a gaban su ba karatu ba.

“Naki na aureshi ne, kan wannan dalili, amma da yake yana da abin hannu sai ya rufewa dangina ido.

“Mahaifiyata ta tsaneni saboda naki na aureshi, a yanzu da nake karatu a jami’ar Bayero har fargarbar komawa gida nake idan anyi hutu saboda kalubalen da zan fuskanta.

Cin zarafin akan hanya 

Wasu matan da Kano Focus ta zanta da su sun shaida irin tasu matsalar da cewar ana cin zarafin su ne akan hanyoyi, musamman ma a cikin kasuwanni.

Zainan Nasiru wata budurwace a nan Kano ta ce ta sha gamuwa da barazana da cin zarafi daga maza.

Zainab ta ce a yanzu haka tana tsoron shiga jama’a ne saboda cin zarafin da ta fuskata.

“Lokacin ina daliba a jami’ar Bayero an kafe sakamakon jarrabawa, mun taru muna dubawa, sai kawai wani yazo ya tsaya a bayana, kamar yana duba nasa sakamkonne, kawai sai ya fara shafani a mazaunaina.

“Na yi zaton cinkonson jama’ ne ya saya ya matseni haka, sai nayi kokarin canza wuri, amma makirin sai ya biyo ni ya ci gaba da shafani har ya kai min hannu kasan.

Dole ne manyan makarantu su bi doka wajen yaki da cutar Covid-19 a Kano-Kwamish

Dalilan da ke sa iyaye yiwa ‘ya’yansu auren dole

‘Yan wasan Hausa a Kano sun yi tofin alatsine ga shugaban Faransa

“Da na fuskanci hakan ne sai na kwalla ihu domin ankarar da jama’a a binda ya ke yi , amma sai ya yi mursisi ya ce shi ko kadan bai aikataba.

“abin takaicin shi ne yadda jama’ar wurin suka goyamasa baya suka nuna ai ma sharri nake son yi masa, lallai wanna cin zarafi ne babba.” A cewar Zainab.

Ita ma wata Fatima Ahmad ta ce cin zarafin da ta fuskanta a cikin kasuwar kantin kwari ne.

Ta ce ta ziyarci kasuwar ta kwari da wasu mata uku domin yin siyayya sai kawai suka fada cikin wani cinkoso.

“Shiga ta cikin wannan cinkosonne sai na ji wani matum na gogamin gabansa a bayana.

“Ba shirin na daskare a wurin saboda tsoro, saboda ban taba fuskantar irin hakan ba.

“Bayan farfadowa daga razanar da nayi ne, sannan na ci gaba da kwarara ihu.

“Kafin a ankara ya bi cikin taron jama’a ya bace sanan na dawo gida na shiga na yi wanka.

“Tun daga wannan rana ban kara zuwa kasuwa ba sai na nemi katuwar jaka na rufe mazaunaina da shi, guduna sake fadawa cikin wannan masifar.

Click to comment

Leave a Reply

Your email address will not be published.

Hausa

Samba Kurna da Good Boys Dorayi za su fafata a wasan karshe na ‘Ahlan cup’

Published

on

Jamilu Uba Adamu

An kammala Shirye-Shiryen gudanar da wasan karshe na gasar cin kofin  Kwallon kafa na “Ahlan Cup’ tsakanin Samba Kurna da Good Boys Dorayi.

Wanda yake jagorantar gasar Alh. Abubakar Tsoho Musa Rijiyar Zaki ne ya bayyana wa manema labarai cewar;

“Kungiyoyin Kwallon Kafa talatin da biyu ne (32) suka fafata a gasar, wacce aka gudanar a wasannin sili daya kwale (knock-out ). An Kuma buga wasa talatin ne. Inda Kungiyar Kwallon Kafa ta Samba Kurna da Good Boys Dorayi sukai nasarar zuwa wasan karshe.”

Za dai a fafata wannan wasa a ranar lahadi 7 ga watan Augusta da misalin karfe hudu na Yamma a filin Wasa na Makarantar sakandiren Unguwar Rijiyar Zaki

Kuma ana sa ran wasan zai samu hallatar manya- manyan baki,  daga ciki da wajan jihar Kano a karkashin jagorancin Shugaban Hukumar wasan Kwallon Kafa ta Jahar Kano Dr. Sharu Rabiu Inuwa Ahlan.

Continue Reading

Hausa

Rabiu Chanhu: Dan wasan da ya hada kwallon kafa da karatu

Published

on

Jamilu Uba Adamu 

Da yawan masoya da mutanen dake bibiyar wasan Kwallon Kafa, a Arewacin Najeriya, musamman Jihar Kano ba su cika tsammanin akwai  alaka tsakanin ilimi da wasan Kwallon Kafa ba.

Kasancewar a lokuta da yawa matasan dake buga wasan Kwallon Kafa basu cika samun nasara a makaranta ba, ko samun damar yin karatu mai zurfi ba.

Amma sai dai kamar yadda bincike ya nuna, ‘yan Kwallo da yawa a fadin duniya har ma da nan gida Najeriya sun samu daukaka mai yawa a bangarorin ilimi.

A misalin irin wadannan ‘yan kwallo akwai; Socrates na Brazil, wanda yazama Dakta. Anan gida Nijeriya akwai irin su Sir, Segun Odegbami.

Anan gida Jihar Kano kuwa, Allah ya yi mana baiwar samun wannan bawan Allah da zan kawo sharhi da  takaitaccen tarihinsa, musamman akan wasan kwallon kafa.

Don saboda ya zama madubi abun dubawa ga na baya, musamman wajen hada wasannin motsa jiki da neman ilimin addini da na boko.

Rabiu Chanhu ya fara buga kwallo ne a karamin kulab mai suna Silver Stone dake unguwar Kofar Mazugal. Kuma ya yi wasanni ne na makaranta a lokacin yana karatu a makarantar sakandiren horas da malamai ta garin Bichi, inda daga nan ne Kungiyar Kwallon Kafa ta Super Star dake unguwar Makwalla ta cikin birni ke dauko shi a matsayin sojan haya dan ya buga musu wasa.

A irin wannan wasannin ne ya taimakawa Kungiyar Kwallon kafar ta Super Star samun nasara lashe gasar kofin Dan’wawu wadda ita ce mai daraja ta daya a jihar Kano a wannan zamanin.

Wanda ganin irin bajintar da kwarewar da ya nuna a wannan wasan ne yasa Kungiyar Kwallon Kafa ta Raccah Rovers ta dauke shi dan ya buga Mata wasa a shekarar 1981, kuma ta yi masa rijista.

Farfesa Rabiu Chanhu

A wancen zamanin shi da Abubakar Zagallo (yanzu shine na’ibin limamin masallancin Juma’a a wata Unguwa a New York, America) su ne suke buga lamba biyar da shida a bayan kungiyar kwallon kafa ta Raccah Rovers.

Tsohon dan wasan Kwallon kafar, ya canja sheka daga Raccah Rovers zuwa kungiyar kwallon kafa ta Bank of the North, bisa kin yarda da ya yi da cigaba da bugawa Raccah Rovers wasa bayan kungiyar ta chanja suna zuwa Nigerian Breweries.

Wanda kamar yadda ya bayyana min cewar hakan yana da nasaba da addinin sa na muslunci. Kuma tare da marigayi Usman Danlami Akawu Kofar Wanbai, Wanda shi ma shaharren dan wasan kwallon kafa ne (Allah ya gafarta masa. Ameen) suka koma kungiyar Bank of the North.

Ya ajiye takalmansa na wasan kwallon kafa ne a shekarar 1989. Sai dai kuma ya yin da yake karatunsa na master’s a jami’ar Bayero, an zabe shi a jerin Wanda zasu wakilci kasa Najeriya a gasar Jami’o’i ta Duniya a wasan Kwallon Kafa a shekarar 1995.

A zamanin da Professor yake taka wasa, saboda kwarewarsa a wasan ya samu sunayen inkiya daban-daban wanda ‘yan kallo suka lakaba masa. Sukan kira shi da Na Makwalla, Chanhu, Maigida a sama.

Yanzu dai haka, Malam Muhammad Rabiu “Chanho” Professor ne a Wanda keda kwarewa a ‘adopted physical education’, bangaren Kinetics and Health Education dake Jami’ar Bayero, Kano.

Jamilu Uba Adamu

Mai bibiyar Tarihin wasanni kwallon kafa ne. Za a iya samunsa a +234 803 207 8489

Continue Reading

Hausa

An kirkiro maganin kayyade iyali na maza

Published

on

Nasiru Yusuf

Tun daga shekarun 1960, lokacin da kwayoyin kayyade iyali na mata suka shiga kasuwa, masana kimiyya suke ta fadi-tashin ganin sun samar da wasu kwayoyin magani da maza za su rika sha domin hana daukar ciki.

Wata tawagar masana kimiyya ta sanar da sarrafa kwayar magani ta kayyade iyali da maza za su rika sha.

Masanan daga jami’ar Minnesota ta Amirka sun ce gwajin kwayar maganin hana daukar ciki na maza ya nuna gagarumin tasiri na kashi 99 cikin 100 ga namijin bera.

A cikin sanarwar da masu binciken suka fitar a ranar Laraba sun ce zuwa karshen wannan shekarar ta 2022 suke sa ran fara gwajin kwayar maganin ga dan Adam. Matakin da masu fafutukar daidaita jinsi suka jima suna maraba da shi.

Continue Reading

Trending