KANUN LABARAI
Satar yaran Kano 118: Iyayen yaran sun zargi gwamnati da nuna halin ko inkula
Aminu Abdullahi
Yayin da aka cika shekara goma da fara satar yara a Kano ana kaisu kudancin kasarnan, iyayen yaran sun zarigi gwamnatin Kano da nuna halin ko inkula wajen kubutar da yaran nasu.
Kano Focus ta ruwaito wannan zargi na fitowa ta bakin wasu daga cikin iyayen yaran mata lokacin da suke gudanar da zanga-zangar lumana kan sace yaran nasu ranar Alhamis a nan Kano.
A cewar jagorar masu zanga-zangar Aisha Haruna Kabuga haryanzu suna cikin wani hali na rashin dawo musu da yarannasu.
Ta ce kwamitin da gwamnati ta kafa kusan shekara guda da watanni ya gaza tabuka wani abun kirki.
“Ko yaushe muka tuntubi kwamitin sai suce mu saurare su suma suna sauraren gwamnatine.
“Gwamna ya gayyace mu, kuma batun yana gaban kotu amma har yanzu shiru ba abinda akayi,” a cewar ta.
Aisha ta kuma yi kira ga shugaban kasa Muhammadu Buhari da Gwamnan Kano Abdullahi Umar Gabduje da suyi duk mai yiwuwa don kubutar musu da yaransu kamar yadda aka kubutar da yaran jihar Katsina.
Ta ce a cikin yara 118 da suke nema har yanzu ba suga yaro ko guda dayaba.
“Mun kasa yadda cewa gwamnati na yin wani abu don a kwato mana yaranmu kuma ansan inda suke.
“Mun zama kamar bamuda shugabanni, kamar bamuda manya a arewa, saboda ba ‘ya’yansu aka sace ba,” a cewar ta.
Ita ma wata uwa Zainab Abdullahi Giginyu cewa tayi watanni uku da suka gabata sanatan Kano ta Kudu Kabiru Gaya ya ce an gano wasu daga cikin yaran sai dai har yanzu basu ga ko daya ba.
Itama Aisha Bashir ‘Yankaba ta ce akwai ‘danta mai suna Musa Abdurrauf da aka ganoshi a jihar Anambra, sai dai har yanzu an gaza dauko shi.
Ta ce ko a cikin yaran da aka debo Aisha da Farouk sun tabbatar mata da cewa makaranta daya aka sakasu tare da dan nata a can Anambra.
“Abokinsune kuma sun tabbatar min dacewa yana can amma gashi gwamnati ta watsar da al’amarin ba tama kulawa da halin da muke ciki.
“Shekaru shida kenan da sace min yaro, ya kamata gwamnati ta san cewa danmu take yin mulkin nan,” a cewar ta.
Da take mayar da jawabi, kwamishiniyar mata da walwalar kananan yara ta jihar Kano Zahra’u Muhammad Umar ta ce gwamnatin Kano ta shirya tawaga da za ta nemo yaran da aka rasa.
Ta ce rikicin zanga-zangar Endsars da bullar annobar Korona ne ya dakatar da tafiyar.
Ta kara da cewa dole ne aji shiru daga kwamitin da gwamnati ta kafa don dawo da yaran, domin abu ne da ya shafi tsaro da ba za a dinga bayyana duk shirye shiryen da ake yi ba.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Kwankwaso Criticizes Federal Government Over Rice Palliative Distribution in Kano
Dangote set to complete multimillion Naira skills centre, says Nawabuddin
Barau Jibrin Launches Postgraduate Foreign Scholarship Scheme for Kano Students
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Fagge, Mai Bushira, Naniya now professors as BUK Promotes 90 Senior Academics
Tinubu appoints Prof Abdullahi Pakistan chairman of Hajj Commission
Emir of Kano, Muhammadu Sanusi II, bags PhD
BUK appoints Haruna Aliyu new Registrar
Doctors hold solidarity walk in Kano, demand release of abducted colleague
