KANUN LABARAI
‘Yan sanda sun kama masu sanen waya a masallatan juma’a.
Mukhtar Yahya Usman
Rundunar ‘yan sandan jihar Kano ta ce ta kama wasu mutane tara da ke satar wayoyin jama’a a masallatan juma’a musamman ma lokacin da ake tsaka da daura aure.
Kano Focus ta ruwaito jami’in hulda da jama’a na runduna ‘yan sandan Abullahi Haruna Kiyawa ne ya sanar da hakan ga manema labarai ranar Lahadi.
Abdullahi Kiyawa mai mukamin mataimakin sufurtandan ‘yan sanda ya ce shugaban sashin Anti-daba Bashir Musa Gwadabe ne ya jagoranci sumamen da aka kama matasan.
Ya ce matasan na da kungiya da suke fita aiki duk ranekun mako, su kuma raba kansu masallatai da ke jihar nan domin satar waya lokacin da ake daurin aure.
A cewarsu basa yin amfani da makami, illa iyaka sun kwarene a bagaren sane kawai.
Ya ce sun kama mutum na farko ne a masallacin juma’a da ke Kofar Gadon Kaya, kuma shi ne ya bankado sauran wadanda aka tura sauran masallatan.
Yansanda a Kano sun kama wanda ya sassari matarsa a kotu
‘Yan sanda sun kama mace mai garkuwa da mutane a Kano
Rundunar ‘yan sanda ta kama matasan da ke balle shaguna a unguwannin Kano
Idris Garba dan shekara 23 na daya daga cikin wadanda aka kama ya ce suna zuwa wuraren da ake daura aure ne a masallatai su yi sane.
Haka zalika Shima Yusuf Gambo mai shekara 25 wanda shi ne mai baburin adai-daita sahun ya ce shi yana jira ne da sun dauko sai su kawo masa ya tara.
Ya ce bayan sun sayar da wayoyin da aka samu ne kuma sai su raba kudin kowa ya samu.
Ya ce sun saci wayoyi ba adadi, ko kuma a takaice dai guda hamsi daga fara sana’arsu.
Shi ma wanda ake siyarwa da wayoyin Yusuf Balarabe dan shekara 24 ya ce idan sun sato suna kawo masa yana siya.
Ya ce ana kawo masa da daya da biyu yana siya, ya kuma kwashe wata bakwai yana sama’ar tare da su.
Yusuf ya ce tsahon wanna lokaci ya sayi wayoyi da dama a hannun su.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
K-SAFE lauds Kano’s ₦168.4 billion education budget allocation
AGILE launches ‘second chance’ learning centers in Gwarzo
Gov Yusuf reshuffles cabinet, sacks SSG, chief of staff
VC BUK receives accreditation report for early childhood, primary education programmes
Post Harvest Loss: Kano Partners Aviation Industry to Advance Export of Agricultural Produces
Ulama Forum faults Tax Reform Bills, backs northern governors
GovernorYusuf, deputy, Grace Turbanning of New Chiroman Kano
Friday Sermon: Encouraging Islamic Education Reduces Crime In The Society!
Rep member Tijjani advocates for homeschooling to address educational challenges
