KANUN LABARAI
KANSIEC na neman cinye mana hakkokinmu-jami’an zaben kananan hukumomi
Aminu Abdullahi
Makwani uku da gudanar da zabukan kananan hukumomi a jihar Kano amma har yanzu ba a biya wadanda suka gudanar da aikin zaben hakkinsu ba.
A zantawa ta musamman da jaridar Kano Focus wasu daga cikin wadanda suka gudanar da aikin sunce har yanzu hukumar bata waiwayesu ba kan batun biyansu hakkokin nasu.
Balaraba Musa na daga cikin wadada suka gudanar da aikin zaben yace hukumar ta ce za ta biya su hakkokinsu kwanaki biyu bayan kammla zaben ne, sai dai har yanzu shiru kake ji.
“Nayi aiki ne a mazabar Zaitawa dake Karamar Hukumar Birni, a kwati mai lamba 014.
“Ina kira ga gwamnati da ta taimaka ta biyamu hakkokin mu,” a cewar ta.
Itama Zainab Ibrahim ta ce duk da cewa ta fito a kan lokaci zuwa inda aka turata amma har yanzu shiru take ji malam yaci shirwa.
“Nayi aikina ne a mazabar Shahuci da ke Karamar Hukumar Birnin
“Sanda zamuyi aikin sunce za su tura mana da kudaden mu asusun banki,” a cewar ta.
Haka kuma Abdulsalam Abubakar da ya yi aikin zabe a mazabar Tukuntawa ya ce a ka’ida sati daya da yin zabe za a biyasu hakkokin su, amma har an shiga sati na uku ba tare da jin wani labariba.
“Wasunmu dalibaine, gashi yanzu an koma makaranta amma ba a biya mu ba,” inji shi.
Kudinmu za su iya salwanta
Isah Abdullahi da ya yi aikin zabe a Mazugal dake karamar hukumar Dala ya ce yana tsaron kada hukumar zabe ta hanasu hakkokinsu baki daya.
Ya kara da cewa bai kamata a ce hukumar zaben tayi jinkirin biyan su hakkokinsu ba duba da cewa sun fita guraren da aka tura su akan lokaci kamar yadda aka umarce su.
Ya kuma ce sun bi dukkan matakan da suka da ce don ganin an biyasu hakkokinsu, sai dai har yanzu shiru suke ji.
“Indai muka je sai suce mukara hakuri zamu ji alart, gaskiya muna fargabar kada su cinye mana kudaden mu, ” a cewar sa.
Ba ma so a sake cinyewa wasu kudi ne
Sai dai hukumar zabe ta jihar Kano KANSIEC ta matsalar da aka samu ayin zaben da aka gudanar a baya ce ta sanya jinkirin.
Mai magana da yawun hukumar Dahiru Lawan Kofar Wambai ya ce a shekara 2018 an samu matsaloli na son zuciya daga gurin turawa zaben kananan hukumomi.
Ya ce a wancan lokacin turawan zabe aka baiwa kudaden ma’aikatan wucin gadi a hannu, don su biya su amma a karshe da yawan wadanda suka yi aikin ba a biya su hakkokinsu ba.
Ya kara da cewa hakan tasa a wannan karon hukumar zabe tayi tsari, ta yadda duk wanda ya yi aiki zai samu hakkinsa ba tare da an rage masa wani abu ba.
“A yanzu muna kan tantance lambobin asusun bankin wadanda suka yi aikin ne don gudun kada a samu matsala.
“kowa za a biya shi hakkinsane ta lambar asusun bankin da ya bayar nan bada jimawa ba,” a cewar sa.
Sai dai a duk bayanin da yayi bai bayyana lokacin da za su biya ma’aikatan ba.
Idan za a iya tunawa dai ko a shekarar 2018 akwai ma’aikatan wucin gadin da suka gaza samun hakkokinsu na ayyukan zabe da suka yi.
Wadanda kuma har yau dinnan ba su samu ba, hakan ta sanyan galibinsu ke tsoron kar a cinyemsu.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Road Accident: Governor Yusuf to Construct Bridge in Imawa, to Enhance Road Safety
Governor Yusuf Reopens Kano Driving Institute After Eight Years of Neglect
Kano govt cautions private schools against excessive fees
NEMA confirms 2 dead, others injured in building collapse
North not afraid of constitutional review – ACF BoT Chair
Young entrepreneurs commence manufacturing of USB cable in Kano
Tinubu appoints Prof Abdullahi Pakistan chairman of Hajj Commission
Top Nigerian Leaders to Gather in Abuja for Dr. Shamsuddeen Usman’s Book Launch
Dangote clarifies stand on NNPC’s crude oil supply to refinery
