KANUN LABARAI
Gadar Kofar Nasarawa ce kadai abin alfaharin ‘yan Kwankwasiyya-Gwamnatin Kano
Mukhtar Yahya Usman
Gwanatin Kano ta ce ‘yan Kwankwasiyya sun firgice ne saboda ta ce za ta yi gyara a jikin gadar Kofar Nasarawa da zai amfanar da al’umma.
Kano Focus ta ruwaito Kwamishinan yada labarai na jihar Kano Malam Muhammadu Garba ne ya bayyana haka ta cikin shirin ‘Barka da Hantsi’ na gidan rediyo freedom ranar Litinin.
Muhammad Garaba ya ce ‘yan Kwankwasiyya basu da wani abu da za su nuna ko tunkaho da shi da ya wuce gadar.
“Saboda firgita da ‘yan hamayya suka yi, yan PDP yan Kwankwasiyya, saboda babu wani abu da suke da shi da za a iya gani a taba a fadin jihar Kano illa iyaka wanna gadar.
“Wannan gada indakasan rayukansu haka take, saboda haka suka kidime baki dayansu, sukai ta shiga gidajen rediyo sunata kalubalantar abin.
“Mu abinda muke cewa ,ai kaga bayani ne na hankali, bayani ne mai gamsuwa, duk wanda yasan me ya ke yi zakaga cewa koma wace gwamnati ce, kodama gwamnatin su ce da take mulki, indai gwamnati suke ta hakika aka ce wannan abu zai iya kawo hadari, kuma abu na karshe da ya kamata a yi shi ne a yi kaza, na tabbatar indai gwamnati na jama’a ne za su duba su gani.
“Nariga naji duk kalubalen da ake yadadawa na biliyan shida da aka gina wannan gada, idan aka rusheta ina za a samu a sake ginata.
“Amma kamar yadda na fada ai ba cewa nayi gwamnati ta zauna tayi nazarin rahoton, wannan shi ne abu na karshe ba.
“idan har ta kama cewar za a iya gyara wasu daga cikin wuraren da ya tsuke, duk irin wadannan gyare-gyaren idan ta kama za a gyara ba tare da anzo matakin da za a ce an ruguza ba.
“Amma wallahi ni banyi magana ta siyasa ba, kuma banyi tunanin cewa na fadi wanna maganarba, saboda munaso mu shafe ayyukan da Dr Rabi’u Musa Kwankwaso ya yi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Gov Yusuf receives fellowship, award of excellence from US Management Institute
World Teachers’ Day 2024: NUT Honors Gov.Yusuf for Outstanding Performance in Education Reform
FG, Tinubu and Daily Trust’s faux pas on Samoa Agreement
LG polls: Kano APC urges court to stop INEC from releasing voter register
Gov. Yusuf Flag Off Distribution of Instructional Materials to Public Schools
Fagge, Mai Bushira, Naniya now professors as BUK Promotes 90 Senior Academics
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Kano State Reforms: Sa’adatu Rimi University Reverts to College of Education Status
Why Presidency need not search farther for a new Spokesman!
