Connect with us

Hausa

KNUPDA ta rushe ginin Masallaci da Islamiyya a Zawaciki

Published

on

Makarantar da aka rushe

Nasiru Yusuf

Hukumar tsara birane ta jihar Kano (KNUPDA) ta rushe wani Masallaci da makarantar Islamiyya wanda mazauna Sabuwar Zawaciki dake yankin Karamar Hukumar Kumbotso suke ginawa.

Wadanda aka yi rusau din a gabansu sun shaidawa jaridar KANO FOCUS cewa da sanyin safiyar ranar Alhamis ne Ma’aikatan KNUPDA bisa rakiyar ‘Yan sanda da ‘Yan KAROTA dauke da bindigogi da sanduna suka yi wa unguwar dirar mikiya suka fara rushe ginin Masallaci da Islamiyya da al’umma suka yi karo-karo suke ginawa.

Shugaban Kungiyar mazauna unguwar Sabuwar Zawaciki Umar Faruk Inuwa ya ce a ranar Alhamis da misalin karfe 7:30 na safe an kira shi a waya aka shaida masa Ma’aikatan KNUPDA sun zo da Katafilar ‘yan sanda da ‘yan KAROTA suna rushe ginin Masallaci da Makaranta a filin da gwamnati ta ware don wannan gini.

“Yan sanda da uniform a jikinsu da MOPOL da uniform din su a jikinsu da ‘yan KAROTA ga civil defense kuma suna dauke da bindiga. Suka hana kowa bin hanyar masallacin.

“Mun yi kokari mu je land mu kar6i takardun filin saboda irin wannan, amma sai aka ce mana ba a bawa community takardun irin wannan filayen.

Wani makocin Masallacin mai suna Malam Ahmad ya ce da ma an ware filin ne don gina makaranta, hakan ya sa mazauna unguwar suka yi karo-karo suka fara ginin.

Malam Ahmad ya ce “Gwannati ce ta ware wurin don al’umma su mora. Mai taro mai sisi muka hadu muke wannan gini, domin ‘ya’yanmu da jikokinmu da sauran al’umma su mora.”

Jami’in Hulda da jama’a na Kungiyar mazauna Sabuwar Zawaciki Abba Darawa ya ce

“A ranar Alhamis mun tashi da wani ibtila’i da ya same mu a wannan unguwa ta mu ta Sabuwar Zawaciki. Mun fara kai yara Makaranta, sai ga Katafilar KNUPDA da rakiyar motocin ‘yan sanda da KAROTA suka rushe mana Masallaci Makarantar da muke ginawa.

“Gwamnatin nan ta tara al’ummar unguwa ta nuna musu ga filin makarantu ga na masallaci.

“Bukatarmu shi ne zalincin da aka yi mana da cin zarafin da aka yi mana da hadin kan wasu 6ata gari shi muke bukata a bit mana hakkinmu. An kashe miliyoyin kudi a wannan gini, amma yanzu an cuce mu an rushe. Sun bi mu da duka har da harbi sai ka ce tumakai.

Mazauna unguwar sun kewaya da wakilin KANO FOCUS inda yara ke karatu a gindin bishiya da rumfar kwano a kusa da inda aka rushe ginin makarantar.

Sun ce ajujuwan da KNUPDA ta rushe su ne ake sa ran yaran za su rika yin karatu a cikinsu.

Sai dai kuma mataimakin Darekata mai kula da sashen gine-gine a Hukumar KNUPDA Aliyu Dada, ya shaidawa KANO FOCUS cewa  sun rushe ginin ne don an yi shi ba akan ka’ida ba.

Dada ya ce, duk da cewa an ware filin ne don gina makaranta, amma tuni gwamnati ta ba wa wani mutum filin ya gina makaranta.

Click to comment

Leave a Reply

Your email address will not be published. Required fields are marked *

Hausa

An fake da taimako, ana yaɗa da’awar luwaɗi da maɗigo a jihar Kano!

Published

on

 

 

Misbahu Hamza

 

Zuwa Ga Gwamnatin Jihar Kano, Masarautar Kano, Hukumar Hisba, Da Ƙungiyar Mallaman Jihar Kano

Assalamu Alaikum,

Da sunan ƴancin ɗan Adam; da sunan nema wa ƴaƴanmu mata ƴanci da sana’a mai ɗorewa; da sunan taimakawa marayu, gajiyayyu da masu buƙata ta musamman, ana ta ƙoƙarin yaɗa da’awar luwaɗi da maɗigo a jihar Kano!

Ana yaɗa wannan manufa ne a bainar jama’a babu kunya ballantana ganin girmanku ko shakkarku a matsayinku na masu faɗa a ji a jihar Kano—a makarantu da unguwanni. Abin takaici ma har da ma a tsakanin ma’aikatun gwamnati (masu ɗamara)!

Ƙungiyar da ta ke ta wannan mummunan aiki a jiharmu ita ce “Women Initiative for Sustainable Empowerment and Equality.” Suna kiran kansu “WISE” a taƙaice kuma a bayanin da muka gani a shafukan su, har ofishi suke da shi mai zaman kanshi a Yankaba Kawaji, Bompai GRA, Kano.

A wani bayani da muka gani a shafukan wannan ƙungiya, mun ga sun taɓa haɗa bita wa jami’an Hisba, da na KAROTA, da na NDLEA, da sauransu!

Domin tabbatar da duk waɗannan abubuwa, a duba shafinsu kawai na Facebook mai suna “Wise Wage.”

In har wannan ƙungiya ta yi ƙarfin da za ta tara waɗannan jami’ai a wuri guda da sunan yi musu bita—a kan ko ma mene ne—to muna tsoron irin tasirin da suka riga suka yi a cikin jihar mu. Jihar musulunci.

Za ku iya tunawa a makon nan me ƙarewa ne ake ta dambarwar kuɗaɗe da gwamnatin tarayya ta karɓo daga ƙasashen Turai wanda ake zargin cewa ɗaya daga cikin sharuɗɗan amfana da wannan maɗuɗun kuɗaɗe shi ne a sakarwa masu da’awar luwaɗi da maɗigo mara, irin su WISE, su fantama baɗalarsu yadda suke so.

Wannan ya jawo kace nace a ƙasarnan. Kuma mun ga yadda Mallaman jihar Kano ku ka tashi tsaye a mimbari, kamar yadda muka yi tunanin za ku yi, domin yin tofin Allah tsine da wannan yunƙuri matuƙar ya tabbata gaskiya.

Wannan dambarwar ta ƙara bayyanar mana cewa a ƙasarnan akwai doka da kai tsaye ta yi hani da duk wani yunƙuri ko yaɗa manufar luwaɗi da maɗigo. Kuma mun ƙara samun natsuwa ganin yadda Musulmi da Kirista suka haɗa kai domin barranta da wannan ɓarna.

Da wannan muke kiran Gwamnan jihar Kano, Alhaji Abba Kabir Yusuf, da Sarkin Kano, Mallam Muhammadu Sanusi II, da Shugaban Hisba ta Kano, Mallam Aminu Daurawa, da Shugabancin Kungiyar Mallaman Jihar Kano, da su tabbatar wannan ƙungiya ta WISE ta tattara ƙomatsonta ta bar mana gari kuma a haramta mata aiki a jihar ta kowace hanya da za a iya.

Al’ummar jihar Kano amana ne a wajanku! Kuma Allah zai tambaye ku amanar da ya damƙa muku ranar alkiyama!

Mu mun yi namu—isar muku da saƙon. Idan da ba ku san da wannan kungiya ba ko aiyukanta, to yanzu mun sanar da ku.

Bissalam,

Misbahu Hamza

Continue Reading

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Upcoming Events

There are no upcoming events at this time.

Facebook

Twitter

Trending