KANUN LABARAI
An kama kwarton da ke neman a biyashi kudin yin kwartanci a Kano
Amiunu Abdullahi
Jami’an vigilante sun kama wani kwarto mai suna Abubakar Sadiq da ya kware wajen hada Lamba tare da kiran matan aure domin yin kwartanci da su kuma ya nemi su biyashi lada.
Kano Focus ta ruwaito cewa matashin ya shiga hannun jami’an vigilante din ne a ranar Litinin a unguwar Dorayi da ke birinin Kano, bayan da wata matar aure da ya nema ta yi masa kofar rago.
Shi dai wannan kwarto da aka fi kira da Shanawa mazaunin Unguwa Uku, yana neman matan aure ne kuma ya nemi su biyashi kudin zuwan da ya yi musu.
A cewar jami’an Vigilante Sadiq Shanawa na hada lamba ne ya kuma kira matar da ya samu a layi ya kuma nemi yin lalata da ita.
Sai dai acewar matar da ta yi masa Kofar rago da ta nemi a sakaye sunanta ya kiratane da safe, ya kuma dinga furta mata kalaman batsa lamarin da yasa ta kashe wayar.
Ta ce ya kara kiranta da karfe sha biyu na dare duk da ta fada masa cewa ita matar aurece, amma bai fasaba, sai ma sakonnin batsa da ya dinga tura mata da hakan yasa ta sanar da mijinta abinda ke faruwa.
Ta kara da cewa bayan da ta fadawa mijinta abinda ya faru ne sai ya bata dama data fada masa cewa yazo su hadun.
“Bayan damar da mijina ya bani, shi ne muka sanarwa ‘yan sintiri dake nan unguwar Dorayi.
“Bayan na ce masa yazo, da yazo na hangoshi naga yana kokarin kiran waya sai naga ya saki murmushi nima sai nayi masa.
“Sai nace masa muje shagon cirar kudi dan nacire mana kudin da zamuyi amfani da shi kamar yadda ya nema.
“Domin yaron yace sai na bashi kudi idan har unguwata zaizo.
“Dubu goma zan bashi yace wai wuni zai yi dani hatta kudin a dai-daita sahu ma haka yace ni zan biya masa.
A nasa bangaren Abubakar Sadiq Shanawa yace yana zaune a dakin sa ne sai ya hada number ya kira ta.
Ya kara da cewa bayan ya kira ta sai ya tura mata sako inda ya bayyana mata cewa yana so su hadu su dan huta tare da shakatawa.
“Da ta fadamin haka nayi zaton dawasa take yi ba matar aure bace, don tacemin ita ba halinta bane kuma ba za ta iya aikata hakan ba amma na cigaba da kiranta,” a cewar sa.
A nasa bangaren shugaban gamayyar kungiyoyin kare hakkin dan adam a jihar Kano Karibu Yahya Lawan Kabara yace za su bibiyi lamarin tare da tabbatar da cewa an hukunta wanda ake zargin.
Haka zalika kwamandan ‘yan Sintiri na jihar Kano Muhammad Kabir Alhaji ya tabbatar da faruwar lamarin.
Inda yace tuni suka mika wanda ake zargin ga hukumar ‘yan sanda don girbar abinda ya shuka.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Education Renaissance: Governor Yusuf to Boost Learning and Safety in Kano’s Public Schools
Kano bags National Council on Education award
KSCHMA coverage increased by 37% in 15 months – E.S
EU partners UNICEF to enhance school safety, quality education in Kano
Chartered Institute of Stockbrokers to Leverage Financial Expertise for Economic Growth
Kano State Reforms: Sa’adatu Rimi University Reverts to College of Education Status
My turbulent experience with Air Peace flight P47425: A Night of delays and chaos
Kano College of Health Sciences gets new Provost
Asiwaju Tinubu: The demystifier of entrenched lazy rants and entitlements
