KANUN LABARAI
Gwanda mu auri yayyen iyayenmu da mu auri samari marowata- Yan mata a Kano
Rafi’atu Ilyasu
Ƴanmata a Kano sunyi barazanar daina auren samari, sakamakon shiga ƙungiyar samari marowata, inda suka ce gwara su auri sa’anni iyayensu masu sakin aljihu.
Kano Focus ta ruwaito tun bayan da samari suka fara dunƙule hannu da rufe bakin aljihu ne, ‘yanmata suke ta cece-kuce a kan lamarin.
Har ta kai yanzu an fito d wasu kungiyoyi na marowata da ke koyar da tsuke bakin aljihu ga samari, da hana yan mata kudi duk da sunan yin hakan almubazzaranci ne.
A zantawar Kano Focus da wasu ‘yan mata a nan Kano sunce dasu auri mai dunkule hannu gwara su auri dattijo mai sakin hannu koda ya girmi ubansu.
Siddiqa Sadi Muhammad wata budurwace da ke zaune a unguwar Tudun yola, ta ce babu kira ba abinda zaici gawayi, ta ce matukar saurayinta ya shiga kungiyar za ta bashi dama ya fita.
Sai dai ta ce idan ya kekasa kasa ya ki ficewa to shakka babu za ta watsar dashi ta kuma nemi mai sakin aljihu.
“Wallahi babu ƙira babu abin da zai ci gawayi, muddin saurayina ya shiga wannan ƙungiya to zan bashi dama ya fita.
“Idan yaƙi fita zan iya rabuwa dashi, kuma idan na samu wanda hannunsa da aljihunsa ba a dunƙule ba, zan yi wuf da dashi ko da kuwa ba saurayibane.”
Ita kuwa Maimunatu Ɗahir Yunus da ke zaune a unguwar Sauna Kawaji, dake karamar hukumar Nasarawa,cewa tayi ko kadan bata amince da tsarin ba.
“Mu mata ba aikin yi ne damuba, samarin sune ke saka mana data, su ne suke saka mana kati don kiran a bokan arziƙi.
“Haka kuma su ne ke bamu kuɗin da mukeyin anko, su suke siya man kayan kwalliya, da abubuwan da ba za a rasa ba.”
“Idan a kace sun dunƙule hannunsu, tayaya zamu samu waɗannan abubuwa.
“Indai za su dunƙule hannu muma zamu ɗauki matakin da ya dace, kinga kenan sun daina zuwa hira gidanmu, kowa ya zauna a inda yake.”
“Har ga Allah in dai za a ɗora da wannan doka, to har dani a cikin ƴanmatan da za su sha wahala.”
Sheikh Ameer Sarki shi ne shugaban kungiyar samari marowata ta Kano, a zantawarsa da Kano Focus ya ce an kafa kungiyar ne domin kawar da almubazzaranci a cikin jama’a.
Ya ce manufar kafa kungiyar shi ne yaki da barnar kudi ba gaira ba sabar da samari ke yi akan ‘yan mata.
Ya ce jama’a basu fahinci manufar kungiyar ba ne, shi yasa suke yi mata wani kallo na daban.
“Maƙasudun wannan ƙungiya shi ne, kare mutuncin mata, domin wannan ƙungiyar babu wanda tayiwa gata sama da mata, sabo da gudun tozarci ko yaudara.”
“Mata a kan kansu suna cewa: ‘kiji tsoron namijin da zaizo yana kashe miki kuɗi’ a ƙarshe zakiga yana da wata manufa a kan ki.
Ameer ya cigaba da ce wa, kashe-kashe kudin ke rudar mata na fadawa matsala da ke rushe musu tarbiyya.
“Amma idan mutum ya dunƙulle hannunsa, ya rufe bakin aljihu, baima kashe miki kuɗi ba, bare yazo miki da wata maganar banza.
“Daga sanda muka aure mace, dole mu buɗe mata bakin aljihu, saboda muna shan zagi yanzu a gunsu, wasu ma sun daina kulamu.”
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Road Accident: Governor Yusuf to Construct Bridge in Imawa, to Enhance Road Safety
Governor Yusuf Reopens Kano Driving Institute After Eight Years of Neglect
Kano govt cautions private schools against excessive fees
NEMA confirms 2 dead, others injured in building collapse
North not afraid of constitutional review – ACF BoT Chair
Young entrepreneurs commence manufacturing of USB cable in Kano
Tinubu appoints Prof Abdullahi Pakistan chairman of Hajj Commission
Top Nigerian Leaders to Gather in Abuja for Dr. Shamsuddeen Usman’s Book Launch
Dangote clarifies stand on NNPC’s crude oil supply to refinery
