KANUN LABARAI
Yadda sanyi ke hana matasa sallar asubah a Kano
Zulaiha Danjuma
Shigowar yanayin sanyi a jihar Kano da ma wasu jihohin ya sanya matasa da dama kauracewa fita sallar asubahi.
A zantawar jaridar Kano Focus da wasu matasa a nan Kano, sunce yanayin sanyi kan sanyasu kauracewa masallatai musamman ma idan babu abinda za su dafa ruwa domi yin alwala.
A yanzu dai lokacin sallar asubahi a Kano shi ne 5:30 zuwa 5:32 a wasu masallatan.
Sai dai da yawa daga cikin matasan sunce yin sallah a irin wannan lokaci indai ba ruwan zafi suka tanada ba, yana basu wahala sosai
Sadiq Ibrahim mazaunin unguwar tukuntawane, yace kafin shigowar sanyi baya makara wajen sallar asubahi, a cewarsa yana tashi kafin ma ladan ya kira sallah.
“Gaskiya kafin shigowar sanyi ina ga bana makara sallar asuba, dan lokuta da dama kan ma a kira sallan asuba na tashi”
“Da akwai wata rana da aka yi wani mukumukun sanyi idan nayi lilliba ma sanyi nake ji.
“Ina jin kiran sallar na dan leka waje nace kai bazan iya fita ba.
“Da yake mutun gwauro ba matace da shi ba, balle ace a dafa maka ruwan zafi”
“Yanzu gaskiya na kan jira rana ta dan fito sai inyi sallata gabaki daya, abin da nake yi kenan” A cewarsa.
Itama wata budurwa da ke zaun a unguwar Hotoro, Aishatu Ibrahim ta ce sanyin da akeyi yana hanata tashi daga gadonta da Asubahi.
“Sanyin nan yana neman takurani wajen hanani salla a kan lokaci”
“Ina tashi karfe 5:30, amma yanzu bana ma iya tashi daga gado sai karfe 6:00. Kuma idan na tashi karfe shidan sai na tabbatar da cewa inada ruwan zafi nayin alwalla”
“Yawanci nakan tanadi ruwan zafi kafin na kwanta bacci, saboda ba zan iya yin anfani da ruwan sanyi wajen alwalaba.” A cewarta.
Shi ma wani dalibi a jami’ar bayero Nura Yusuf yace yanayin sanyi yana hana shi alwalar sallar asuba.
“A halin da muke ciki muna kokarin mu tanadi ruwan zafi dai-dai misali idan ba a samuba kuma, nakan yi anfani da ruwan rijiya”
“Yau dai nayi alwala a kan lokaci amma nayi anfani da ruwan rijiyane, da yake shi yana da dan dumi, ba zai takuramin ba.
“Gaskiya na dan yi fashin salla tunda aka fara sanyin nan amma bana wuce karfe 6:00” a cewarsa.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Education Renaissance: Governor Yusuf to Boost Learning and Safety in Kano’s Public Schools
Kano bags National Council on Education award
KSCHMA coverage increased by 37% in 15 months – E.S
EU partners UNICEF to enhance school safety, quality education in Kano
Chartered Institute of Stockbrokers to Leverage Financial Expertise for Economic Growth
Kano State Reforms: Sa’adatu Rimi University Reverts to College of Education Status
My turbulent experience with Air Peace flight P47425: A Night of delays and chaos
Kano College of Health Sciences gets new Provost
Asiwaju Tinubu: The demystifier of entrenched lazy rants and entitlements
