KANUN LABARAI
Gwamnatin Kano ta danne mana hakkokin mu da gangan- ‘Yan Fansho
Aminu Abdullahi
‘Yan fansho a jihar Kano na zargin gwamatin Kano da wawushe musu kudade da hakan ya sa ta kasa biyansu kudin watan Nuwamba
Kano Focus ruwaito shugaban kungiyar ‘yan fansho na jihar Kano Salisu Ahmad Gwale ne ya bayyana hakan a zantawarsa da mamena labarai ranar Alhamis a Kano.
Salisu Ahmad ya ce duk da cewa anyi karin mafi karancin albashi amma gwamnati ta gaza kara musu, maimakon haka ma kokarin rage musu take.
Ya kara da cewa gwamnati ta ki biyansu hakkokinsu ne sakamakon kin yarda da sukayi a zabtare musu kudaden su, kamar yadda aka yi wa sauran ma’aikatan gwamnati.
“Harkar fansho daban, ta albashi daban, idan an ragewa ma’aikata albashi mu bai kamata a rage man dan abinda ake bamu ba.
“Muna kira ga duk wani dan fansho da ya sani cewa kungiya bata cikin wannan kwamacalar, kuma ba zamu bari a zabtare mana kudade ba,” a cewar sa.
Suma wasu daga cikin ‘yan fanshon sun bayyana irin halin da suka tsinci kansu sakamakon rashin biyan su hakkokin su.
Yakubu Malam ya ce ba shi da ko sisi da zai samu yaciyar da iyalan sa abinci yana mai cewa N5,500 yake karba a matsayin fansho.
“Ta ya ya zan rayu idan aka rage wani abu a cikin abinda nake karba,” a cewar sa.
Haruna Abdullahi cewa ya yi sau hudu yana zuwa amma baya samun ko sisin kwabo, karshe ma sai dai a taimaka masa da kudin da zai koma gida.
Sai dai duk kokarin jin tabakin shugaban hukumar ta Fanshi Alhaji Sani Gabasawa abin ya ci tura domin kuwa an kasa samun wayar su kuma
Haka shi ma jami’in hulda da jama’a na Umar Abdu Kurmawa an kasa samunsa a layin wayarsa.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Road Accident: Governor Yusuf to Construct Bridge in Imawa, to Enhance Road Safety
Governor Yusuf Reopens Kano Driving Institute After Eight Years of Neglect
Kano govt cautions private schools against excessive fees
NEMA confirms 2 dead, others injured in building collapse
North not afraid of constitutional review – ACF BoT Chair
Young entrepreneurs commence manufacturing of USB cable in Kano
Tinubu appoints Prof Abdullahi Pakistan chairman of Hajj Commission
Top Nigerian Leaders to Gather in Abuja for Dr. Shamsuddeen Usman’s Book Launch
Dangote clarifies stand on NNPC’s crude oil supply to refinery
