KANUN LABARAI
Gwamnatin Kano ta saki fursunoni 37
Zualiha Danjuma
Baban jojin jihar Kano mai shari’a Sagir Umar ya saki fursunoni 37 kafin cikar wa’adin su a daukacin gidajen yarin da ke jihar nan.
Kano Focus ta ruwaito wannan na kunshe cikin wata sanarwa da jami’in hulda da jama’a na gidajen yarin Kano Misbahu Lawan Kofar Nasarwa ya fitar a ranar Alhamis.
Kofar Nasarwa ya ce an yafewa fursunonin ne a wani bangare na rage cinkoso a gidajen yari da gwamnatin tarayya ke yi.
Ya yin da ake sallamarsu, baban jojin ya ja kunnen su da su saduda su koma kan hanya madai-daiciya.
Ya kuma bukace su da su yi amfani da damar da aka basu wajen nemawa kawunansu sana’o’in dogaro da kai maimakon komawa ayyukan ashsha.
Gwamnatin Kano ta danne mana hakkokin mu da gangan- ‘Yan Fansho
Gwajin Kwaya: Wasu daga cikin ‘yan takarar kananan hukumomi na shan kwaya-NDLEA
Gwamnatin tarayya za ta fara rusau a Sharada
Mai shari’a Sagir Umar ya kuma baiwa kowannensu kyautar N2,000 domin yin kudin mota zuwa inda suka fito.
A nasa bangaren Kwanturolan gidan yarin jihar Kano Sulaiman T Sulaiman da ya samu wakilcin mataimakinsa Yunusa Lawan ya bukaci wadanda aka saki, da su nuna dabi’u na gari bayan sun fita.
Ya kuma bukace su da su zama masu bin doka da oda, su kuma yar da kwallon mangwaro su huta da kuda.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Kano govt reintroduces waste bins in public transport
Why Does Nigeria’s Economy Slow Down in Q1?
Gov Yusuf to distribute free uniform to primary school pupils
A Cry for Help: Saving the Life of Nura Zakaria Gwarzo
Emirate tussle: Kano Govt urges security, others to obey Court of Appeal ruling
Transfers Gone Missing: Nigeria’s frustrating digital bank transactions
Gov. Yusuf send additional commissioner-nominee Nura Iro Ma’aji to Assembly
Counting the gains of President Tinubu’s economic renewal
Juma’a Sermon: How to spoil Sihr or black magic in your house, shop, office
